Најстариот син на Лепа Брена го соопшти неговото повлекување од јавната сцена!
Најстариот син на една од најголемите музички ѕвезди на Балканот Лепа Брена, Стефан Живојиновиќ, вчера најави дека се повлекува од јавната сцена. Тој во едно интервју за дневен весник во Србија изјави дека неговата кариера била „убава, кратка и слатка“, откако следеше и неговото официјално соопштение, пишува Мондо.
Препорачано
Стефан преку адвокат ги замолил медиумите во иднина да се воздржат од објавување на било какви информации за него. Прочитајте го соопштението пренесено во целост:
„Би сакал да ја известам јавноста дека решив да се повлечам од јавната сцена и јавниот живот. Претходните години медиумите во Србија објавуваа бројни текстови поради кои не сакав да покренам судски постапки, иако многумина содржеа невистинити информации кои по овој пат ги демантирам. Ги молам сите медиуми да ја почитуваат мојата одлука за повлекување од јавноста и во иднина да се воздржат од објавување било какви информации за мене, а особено оние кои ја вклучуваат мојата приватност“.
