Српскиот репрезентативец, Душан Влаховиќ, кој сезонава игра во одлична форма во дресот на Фиорентина, одби во зимскиот преоден рок да направи трансфер вреден 100 милиони евра.

„Раи Спорт“ објави дека најдобриот стрелец во Серија А сезонава, нема намера да се пресели во Њукасл кој подготви 100 милиони евра за евентуален трансфер во јануари.

Влаховиќ сака да остане во Фиорентина до крајот на сезоната, а потоа ќе се обиде да издејствува трансфер во Јувентус.

Влаховиќ има голема желба да го носи дресот на „старата дама“, а и тимот од Торино го има на „радар“ одличниот напаѓач, додека италијанските медиуми шпекулираат дека се договорени и личните услови.

Фиорентина изминатото лето ги одби сите понуди кои пристигнаа на нејзина адреса за Влаховиќ, дури и тие на Атлетико Мадрид, Тотенхем и Арсенал.