Национална па меѓународна потерница – полицијата го бара Мијалков по сите канали
Повеќе од 20 часа трае потрагата по екс директорот на УБК Сашо Мијалков откако вчера Основното јавно обвинителство за гонење организиран криминал и корупција, во 15:00 часот до Основниот кривичен суд Скопје, достави предлог за определување мерка притвор против него.
Мијалков е обвинет во предметот со КОК бр. 47/17 од обвинителството означен како Таргет-тврдина, заради постоење на сомнение за евентуално бегство, соопшти предмалку Основниот кривичен суд Скопје.
Полициски екипи утрово се пред домот на Мијалков на Водно, како и пред хотелот Мериот, а биле проверени и некои други адреси.
-Судот му одреди мерка куќен притвор на Сашо Мијалков. Преземаме мерки и активности за негово пронаоѓање. Распишана е национална потерница. Бидејќи од досега преземените мерки и активности лицето не е пронајдено, ќе го известиме судот и ќе побараме да биде издадена наредба за распишување на меѓународна потерница, соопшти за „Слободен печат“ портпаролот на МВР Тони Ангеловски.
Препорачано
ФОТО: „Мериот“ под полициска опсада, од Мијалков ни трага ни глас
Кривичен суд достави предлог за определување мерка притвор против Сашо Мијалков
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ.СО ПОЧЕТНА СУМА ОД 100 ДЕНАРИ
Видео на денот