Ги дознавме финалистите во машката ракометна Лига на шампионите, тие се екипите на Алборг и Барселона.

Претходно во првото полуфинале Алборг со 28:26 триумфираше против тимот на Магдебург. Повеќе ТУКА

Во втората полуфинална пресметка составот на Барса убедливо со 30:18 го совлада Кил.

За шпанскиот претставник Мелвин Ричардсон запиша пет голови, по четири Петар Цикуша, Блаж Јанц и Арино Бенгоеча, три Дика Мем, а придонес во победата имаше и данскиот голман Емил Нилсен со 15 одбрани.

На спротивната страна за германскиот тим Домагој Дувњак забележа четири голови, а по три Харалд Реинкинд и Никлас Екберг.

Финалето меѓу Барса и Алборг ќе се игра в недела од 18.00 часот во „ЛАНКСЕС“ арената во Келн, а ќе судат Славе Николов и Ѓорѓи Начевски од Македонија.

Претходно од 15.00 часот ќе се игра натпреварот за третото место меѓу Кил и Магдебург.