Ново големо признание за најдобрата македонска судиска двојка, Ѓорѓи Начевски и Славе Николов ќе го судат натпреварот за третото место на Светското ракометно првенство.

Денеска од 15.00 часот во Унити Арена во Осло, Норвешка, ќе се игра мечот за бронзениот медал помеѓу Франција и Португалија.

Подоцна, од 18.00 часот е закажан натпреварот за светската титула помеѓу селекциите на Хрватска и Данска.

Претходно во текот на Мундијалот Начевски и Николов ги судеа натпреварите Германија – Полска (35:28) и Алжир – Тунис (25:26) во прелиминарната фаза.

Потоа, во главната фаза беа судии на мечевите Данска – Германија (40:30) и Шпанија – Португалија (29:35).

А во четвртфиналето го судеа натпреварот помеѓу Франција и Египет во кој славеа Французите со 34:33.