На маратонот во Мексико Сити дисквалификувани дури 11.000 тркачи затоа што мамеле
Многу учесници користеле автомобили и јавен превоз за да ја „скратат“ патеката и да дојдат до целта што побргу. Истрагата со помош на податоци од електронските чипови на тркачите открила дека илјадници не поминале низ контролните точки
Организаторите на маратонот во Мексико, наводно, дисквалификувале 11.000 тркачи, откако електронските чипови откриле дека учесниците не го истрчале целиот маратон.
Препорачано
Над 30.000 тркачи учествуваа на 40. јубилејно издание на трката во Мексико Сити на 27 август.
Организаторите на маратонот во Мексико биле принудени да ги истражат анонимните поплаки од учесниците по трката.
Според шпанска Марка, откриено е дека илјадници тркачи не го претрчале целото растојание на маратонот.
Тркачи биле обвинети дека користеле возила и јавен превоз за време на трката за да ја скратат патеката долга 42,195 километри.
Истрагата со помош на податоци од електронските чипови на тркачите, наводно, открила дека илјадници не поминале низ контролните точки на патеката.
Спортскиот институт во Мексико Сити потврди дека покренал истрага за ситуацијата.
Ова не е првпат маратонот во Мексико да биде принуден да ги дисквалификува тркачите поради мамење.
Речиси 6.000 тркачи беа дисквалификувани на трката во 2017 година, при што 20 проценти од учесниците не успеаја да ја завршат целата патека.
Организаторите ги поништија резултатите на уште 3.090 тркачи по трката во 2018 година.
