Аукцијата ќе биде одржана онлајн и во Лос Анџелес на 12-ти и 13-ти ноември…

Љубителите на Џејмс Бонс ќе мораат да ја почекаат следната година за наредниот 007 авантуристички филм, но оние со подлабоки џебови следниот месец можат да се збогатат со некои од најпознатите предмети од претходните филмови.

Бикинито во боја на слонова коска што Урсула Андрес кое го носеше во „Dr. No“ првиот филм со агентот Бонд, ќе се најде на аукција во Лос Анџелес, а неговата проценета цена е до 500.000 американски долари, соопшти денес акционерското друштво „Профили во историјата“, пренесува „Ројтерс“.

Урсула Андрес, која во филмот од 1962-ра година ја толкуваше Хени Рајдер која бара предмети на плажа и беше првата Бонд девојка, фотографирана е како излегува од океанот во бикини, држејќи школка додека нејзиниот ремен за нож беше заврзан околу нејзините колкови.

„Нејзиното бикини се смета за најпознато во светот“, изјави Брајан Чејнс, шефот на „Профили во историјата“ и додаде:

„Тоа е една од највпечатливите сцени во целиот серијал на Бонд“.

Според неговите зборови, Урсула била таа која им помогнала на бикините да станат мејнстрим, започнувајќи го феноменот Бонд девојка.

Андерс прва го продаде бикинито на лондонската аукција во 2001 година.

Останати предмети вклучувајќи ги и пижамите на Роџер Мур со моногамот од филмот „Живеј и остави ги другите да умрат“ кои се проценуваат на околу 10.000 до 15.000 американски долари, потоа сивата јакна со потпис која ја носеше злобниот Ернст Блофелд во филмот „Дијамантите се вечни“, која се проценува на околу 20.000 до 30.000 долари, и смарагната наметка на Џејн Сејмур од филмот „Живеј и остави ги другите да умрат“, која се проценува на околу 60.000 до 80.000 долари.

Аукцијата ќе биде одржана онлајн и во Лос Анџелес на 12-ти и 13-ти ноември.