Кошаркарите на МЗТ Скопје со триумф од 68:77 славеше на гостувањето кај Гостивар и во победнички ритам го очекува настапот на последниот турнир од регуларниот дел во АБА2 лигата кој ќе се игра во Широки.

Клучен елемент во играта на „металците“ за триумфот е одличната игра во одбраната и во првото полувреме му дозволи на домашниот тим да постигне 35 поени и на одмор замина со 13 поени предност (35:48).

Во второто полувреме  рутински ја чуваше предноста, по 30 минути игра МЗТ Скопје водеше до 52:64, а во последната четвртина ги одбија налетите на гостиварци и славеа со 68:77. Роберт Рикиќ и Немања Милошевиќ со по 18 поени беа најпрецизни кај МЗТ Скопје, Војдан Стојановски даде 14 поени додека кај екипата на Гостивар најрасположен за игра беше Ијасу Ворку со 21 постигнат поен.

По новата победа, МЗТ Скопје остана на второто место на табелата со скор 16:3, додека Гостивар има скор 12-7 и моментно е на третата позиција.