МЗТ Скопје Аеродром ја оправда фаворитската улога против Кожув (80:68) и се пласираше во полуфиналето на кошаркарскиот куп на Македонија „Благоја Георгиевски – Буштур“.

Еден од двата најтрофејни клубови во историјата на Купот на Македонија, МЗТ Скопје Аеродром е прв учесник во полуфиналето на 30 издание на завршниот куп турнир кој стартуваше во салата на СРЦ „Кале“.

Д. Стојановски и Вер реализираа по 19 поени за победничката екипа, а на спротивната страна најефикасен беше Гордон со 27 коша.

Играчите на тренерот Драган Николиќ за пласман во големото финале ќе играат против подобриот од средбата ТФТ- Работнички, која ќе се игра денеска од од 19.30 часот.

– Задоволен сум што победивме и сочувавме сила за утрешниот натпревар кој сигурно ќе биде спектакл, со оглед на тоа што каков ривал ќе имаме. Прво, морам да му честитам на Кожув кој остави добар впечаток и на Јончевски да му посакам среќа во квалификациите како селектор и нашата земја да направи голем успех. Она што денес многу ми фалеше, очекувам да се појави утре, тоа се навивачите на МЗТ, кои прават спектакл. Немаме време, затоа што тоа лета, за помалку од 24 часа имаме дуел и затоа не размислувам многу што и како беше – рече тренерот на МЗТ Скопје Аеродром Драган Николиќ по мечот со Кожув.

КУП „БЛАГОЈА ГЕОРГИЕВСКИ – БУШТУР“ 2023 – СКОПЈЕ

Четвртфинале

МЗТ Скопје Аеродром – Кожув 80:68

14.30 часот: Гостивар – Феникс 2010

17.00 часот: Пелистер – Еуро Никел 2005

19.30 часот: Работнички – ТФТ