Министерот за европски прашања, Орхан Муртезани, денеска ќе биде домаќин на делегации од Република Австрија и Република Словенија, кои престојуваат во работна посета на земјата.

Австриската делегација е предводена од сојузната министерка за Европа, интеграција и семејство, Клаудија Плаколм, додека словенечката делегација ја предводи државната секретарка во Министерството за надворешни и европски прашања, Нева Грашич.

По средбата со делегациите, ќе се одржи заедничка прес-конференција на која се очекува да бидат презентирани темите од разговорите поврзани со европската интеграција, регионалната соработка и поддршката за реформските процеси на Македонија.