Ривалството помеѓу Аргентина и Холандија датира од 1974 година, кога овие две селекции го одиграа првиот натпревар на Светското првенство во тогашна Западна Германија.

„Лалињата“ победија со 4:0 во групата, стигнаа до финалето, но по пресврт го загубија мечот за трофејот против домаќините со 2:1.

Четири години подоцна Јохан Кројф во знак на протест против диктатурата на Хорхе Видел го бојкотираше Светското првенство во Аргентина, а Марио Кемпес во финалето со два гола им ја донесе првата титула на „гаучосите“ токму на дуелот со Холандија. .

После тоа имаше повеќе натпревари меѓу овие селекции, се памети и маестралниот гол на Денис Бергкамп во четвртфиналето на Светското првенство во Франција во 1998 година, а последниот натпревар на светските првенства на овие две селекции го одиграа во Бразил, во 2014 година, кога Аргентинците славеа во полуфиналето по изведување пенали.

Осум години подоцна, Холандија и Аргентина повторно се среќаваат овој пат во четвртфиналната фаза на Мундијалот во Катар. Дуелот на стадионот „Лусаил“ е денеска од 20.00 часот.

ВИДЕО | Ван Гал за односот со Ди Марија: Тренерот секогаш има причина, а видете го Мемфис, се бакнуваме во уста