Талибанците би можеле да ѝ ја издадат на Америка најголемата авганистанска воздухопловна база, Баграм, која САД ја контролираа за време на 20-годишната окупација на Авганистан, кога беа непријатели со сегашните талибански власти, објави „Индиа тудеј“ повикувајќи се на неколку локални извори.

Според весникот, забележана е невообичаена активност на американски воено-транспортни авиони во близина на базата. Во текстот се вели дека официјален Вашингтон наводно бил подготвен да платил голема сума за да ја врати контролата врз базата, четири години откако поранешниот американски претседател нагло ги повлече војниците од Авганистан.

Откако веста беше објавена, а новинарот Зарк Шабаб дури тврдеше и дека заменик-директорот на ЦИА, Мајкл Елис, ја посетил авганистанската база, информациите беа демантирани и од ЦИА и од талибанците.