Шансата дека астероидот 2024 YR4, таканаречениот „уништувач на градот“, може да удри во Земјата во декември 2032 година е намалена на само 0,0027 отсто, објави веб-страницата на НАСА.

Сепак, сè уште има 1,7 отсто шанси вселенската карпа да удри во Месечината. Астероидот, кој со недели привлекува големо внимание на јавноста, конечно е прогласен за ниво 0 на Торинската скала на опасност од удар. Во еден момент, кога шансата за удар беше 3,2 проценти, тој имаше ниво 3.

– НАСА драматично го намали ризикот од удар на астероидот 2024 YR4 во блиска иднина. Кога првпат бил откриен, имааше можност за удар, па поради таа причина беше следен. Најновите набљудувања ја намалуваат можноста за удар на 22 декември 2032. Сè уште постои мала шанса да удри во Месечината. Тие шанси моментално се 1,7 отсто – објави денеска американската вселенска агенција.

Астероидот има пречник од околу 55 метри и ако ја погодеше Земјата немаше да предизвика катастрофа, но постоеше шанса да се случи настан како Тунгунската експлозија во 1908 година.

Астеориодт 2024 YR4 неколку недели се сметаше за најопасниот астероид бидејќи беше единствениот што имаше шанса да удри во нашата планета во следните десет години. Пред тоа, единствениот астероид кој имаше повисоко ниво на Торинската скала беше 99942 Apophis, кој имаше ниво 4 кон крајот на 2004 година. Меѓутоа, по последователните студии на неговата орбита, тој беше отстранет од Торинската скала бидејќи беше утврдено дека не претставува закана во овој век.