Возачот на Дукати, Франческо Бањаја триумфираше на трката за Големата награда на Австрија што се возеше на патеката Ред Бул ринг во рамки на Мото ГП шампионатот.

Ова беше трета победа по ред за Бањаја, а вкупно петта сезонава во Мото ГП и до неа дојде со одлично возење од првиот па се до последниот круг. Второто место го освои актуелниот шампион Фабио Квартараро и ја зголеми предноста во генералниот пласман пред Алеш Еспаргаро.

Последното место на победничкиот подиум му припадна на вториот возач на Дукати, Џек Милер кој во последниот круг успеа да биде поуспешен од Хорхе Мартин кој пак падна и на крајот мораше да се задоволи со десеттата позиција.

Од четвртото до деветтото место се пласираа Лука Марини, Жоан Зарко, Алеш Еспаргаро, Бред Биндер, Алекс Ринс, Марко Бецеки.

Лидер во генералниот пласман е шампионот Квартараро со 200 бодови, Алеш Еспаргаро е втор со 168, а трите победи по ред го искачија Бањаја на третото место со 156 бода.