Морската вода може да помогне при одредени кожни заболувања, како што се егзема и псоријаза, меѓутоа, тоа не важи за сите морски води, а придобивките не ги носи солта, туку високата содржина на некои други хранливи материи.

Сигурно веќе сте ја слушнале изреката дека „морето ги лекува раните“, но еве што всушност стои зад тоа. Морската вода може да содржи цинк, калиум, калциум, магнезиум и други супстанции кои носат бројни придобивки за нашата кожа и општата благосостојба.

Придобивки од солената вода за кожата

Потопувањето во минерална солена вода може да помогне во ублажување на некои кожни заболувања.
Лекување на егзема

Длабоката морска вода може да помогне кај одредени кожни заболувања, како што е егзема. Ова се однесува на вода која доаѓа од длабочина поголема од 200 метри каде што е многу почиста и содржи висок процент на хранливи материи. Ова подразбира:

– магнезиум
– калциум
– калиум
– хром
– селен
– цинк
– ванадиум

Во длабоката морска вода не продира многу сончева светлина па содржи малку или воопшто нема бактерии и помалку растителен планктон, што значи дека задржува многу хранливи материи.

Истата студија покажа дека лекувањето на луѓето со синдром на атопична егзема на дерматитис (АЕДС) со длабока морска вода помогна да се подобрат симптомите како што се:

– воспаление
– пукање на кожата
– оток
– сува кожа
– чешање на кожата
– намалување на дебелината на епидермисот

Луѓето со АЕДС може да имаат минерални нерамнотежи кои вклучуваат некои токсични материјали, како што се жива или олово. Длабоката морска вода може да помогне да се врати рамнотежата на есенцијалните минерали и да се намалат токсичните минерали.

Ги ублажува кожните алергии

Истражувањата покажаа дека длабоката морска вода може да помогне во намалувањето на алергиските реакции на кожата. Ги намалува антителата, имуноглобулинот Е (ИгЕ), кои предизвикуваат алергиска реакција.

Исто така, помага да се забави или блокира одговорот на ИгЕ, хистаминот и провоспалитените цитокини, кои исто така може да предизвикаат алергиска реакција.

Помага при псоријаза

Балнеотерапија е терапија која има за цел лекување на одредени здравствени состојби со капење во термално-минерални води. Балнеотерапијата вклучува капење во природно солени места како што е Мртвото Море или додавање морска сол во кадата. Може да помогне во лекувањето на плакот на псоријазата, како и на луѓето со псоријатичен артритис.

Морска сол – сојузник на здравјето и убавината

Иако не е јасно зошто балнеотерапијата има корист кај овие состојби, некои поддржувачи мислат дека таа ги шири крвните садови на кожата поради високите температури, ослободува бета-ендорфини и енкефалини, кои помагаат во блокирање на чувството на болка и го потиснуваат имунолошкиот систем на кожата.

Придобивките од минералните соли вклучуваат:

– сулфурот помага во разградувањето на псоријатичните плаки и може да го потисне имунолошкиот систем.
– магнезиумот ги намалува туѓите супстанции кои можат да го поттикнат имунолошкиот одговор.
– помага да се убијат бактериите на површината на кожата.

Прави пилинг на кожата

Солената вода може да делува како механички пилинг на кожата, а пилингот на кожата ги отстранува мртвите клетки од горниот слој на кожата. Ова може да го спречи создавањето на мртви клетки на кожата, што може да предизвика некои видови акни. Ако луѓето имаат акни, најдобро е да избегнуваат триење (пилинг) на кожата.

Може да го зголеми нивото на магнезиум

Магнезиумот е есенцијален минерал за целокупното здравје. Исто така, и помага на кожата бидејќи ја поддржува работата и регенерацијата на клетките и помага во активирање на витаминот Д.
Локалниот магнезиум може да помогне во ублажување на воспалителни состојби на кожата.