Хрватскиот фудбалер Лука Модриќ продолжи да испишува историја во Реал Мадрид. Во вторникот вечерта тој го забележа 131-от настап за Реал Мадрид во Лигата на шампионите, надминувајќи го Раул Гонзалес.

Листата на играчи со најмногу настапи во ЛШ за Реал Мадрид ја предводи легендарниот Икер Касиљас со 150 натпревари, додека втор е Карим Бензема. Модриќ го одигра својот 131 меч, а по него следуваат Раул Гонзалес со 130 и Серхио Рамос со 129.

Тоа значи дека Модриќ ќе го надмине и Бензема доколку Реал Мадрид го елиминира Атлетико и се пласира во следната рунда.

За да го стигне големиот Касиљас, Модриќ мора да остане во Реал и следната сезона, а засега не се знае дали ќе потпише нов договор.

Модриќ има договор до 30-ти јуни оваа година, а засега има уште големи шанси да го потпише последниот, до летото 2026 година.