Денеска во вториот натпревар на Светското првенство за младинци (У21) во Полска македонската ракометна репрезентација беше совладана од Романија со 28:27.

Нашата селекција имаше убава шанса да дојде до првата победа на СП, откако по првото полувреме имаше предност од „плус пет“ (17:12).

Најефикасен во македонската репрезентација беше Узунчев со седум голови, следен од Калајџиески со пет, а четири запиша Карасманакис.

Потсетување дека во првиот меч вчера избраниците на селекторот Раде Стојановиќ загубија од Фарски Острови со 33:28.

Нашите ракометни надежи својот трет натпревар во рамките од групата Ф на Мундијалот ќе го играат на 21 јуни од 14.00 часот против Исланд.

Во вториот меч од нашата група ремизираа Фарски Острови и Исланд со резултат 35:35. По две одиграни кола на табелата води Романија со четири бодови, пред Фарски Острови со три, Исланд има еден, а без бодови е Македонија.