никола митревски
Никола Митревски, голманот на португалскиот ракометен клуб Порто/ фото: EPA-EFE/VALDRIN XHEMAJ

Митревски прогласен за најдобар голман во Португалија

Во прав момент и за најдобрата македонска репрезентација пред настапот на ЕП 2022, Никола Митревски уште еднаш докажа дека е во одлична форма.

Потсетување дека нашата сениорска селекција од 13 јануари ќе го започне настапот на Европското првенство, а во унгарскиот Дебрецин први ривали ни се Словенците.

Митревски кој на клупски план ги брани боите на Порто, го доби признанието за најдобар голман во Португалија во 2021 година.

Во онлајн гласањето нашиот чувар на мрежата успеа во конкуренцијата да биде пред дуото на Бенфика, Сергеј Ернандес и Густаво Капдевил, како и членот на Спортинг, Мануел Гашпар.

Митревски го освои првото место со вкупно 1768 гласови. Со клубот лани ја освои тројната круна во Португалија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот