За СДСМ, најавата на лидерот на ВМРО-ДПМНЕ Христијан Мицкоски за блокада на Собранието не е ништо ново, бидејќи опозициската партија тоа го прави во континуитет. Од СДСМ велат дека ќе ги надминат блокадите на парламентот, но не прецизираат како.

-Тоа не е ништо ново или нешто што опозицијата не го прави во континуитет. СДСМ останува отворен за сите добронамерни конструктивни предлози, но ги осудува сите обиди за блокади и вештачки кризи заради лични и партиски интереси во време кога се води секојдневна борба против последиците од кризата и за заштита на стандардот на граѓаните. СДСМ е одговорна партија и по секоја цена со сите разумни општествени партнери ќе ги надмине блокадите на Мицкоски и деструктивната и криминална ВМРО-ДПМНЕ – вели Јован Митрески шеф на пратеничката група на СДСМ.