Едно од најмистичните места во земјата е тврдината Бангар во Индија, за која во минатото кружеле приказни дека е населена со духови. Станува збор за заштитен споменик под надзор на Археолошкиот институт на Индија (ASI), што е и причината поради која е забрането да се престојува таму ноќе.

Оние кои сакаат да видат како изгледа местото со свои очи, понекогаш влегуваат во тврдината по зајдисонце, без оглед на фактот дека влезот е нелегален. Тие често ги споделуваат своите искуства на форуми и блогови и тврдат дека стражарите ги пуштиле да си одат со мито. За влез по зајдисонце е потребна посебна дозвола од индиските власти.

Тврдината Бангар, иако е во урнатини, сè уште изгледа волшебно поради нејзината мирна и зелена околина. Напуштените остатоци се потсетник на прекрасното кралство изградено од Мадхо Синг, помладиот брат на познатиот генерал Ман Синг.

Љубопитните тврдат дека пејзажот што води до тврдината е пуст и предизвикува чудно чѕвство. Локалните приказни раскажуваат за исчезнати луѓе и чудни гласови што се слушаат од урнатините. На влезот, посетителите ги очекува предупредување од Археолошкиот институт на Индија: „Влегувањето во Бангарх пред изгрејсонце и по зајдисонце е строго забрането“. Главниот влез води низ остатоците од градот, а внатре во тврдината се наоѓаат остатоци од палати, храмови и напуштени пазари.

Мештаните веруваат дека оние што влегле во тврдината откако ќе се стемнело никогаш не биле пронајдени. Една од легендите открива како еден моќен волшебник забранил некоја куќа во Бангарх да биде повисока од неговата. Ако сенката паднела врз неговиот дом – градот ќе бил уништен. Внукот на Мадхо Сингх, Аџаб Сингх, го игнорирал предупредувањето и изградил висока градба. Сенка паднала врз куќата на волшебникот и градот исчезна.

Друга верзија на легендата вели дека овој волшебник бил заљубен во принцезата Ратнавати. Еден ден тој го заменил нејзиниот парфем со напивка што ќе ја натера да се заљуби во него. Ратнавати го открила трикот и го фрлила садот со напивката кон каменот, кој се стркалал наназад и го убил волшебникот. Пред неговата смрт, тој го проколнал целиот град велејќи дека Бангар ќе биде уништен и дека никој повеќе нема да може да живее таму.