Мисоски единствен кандидат за наследник на Тито Петковски, Трајковски не се откажува
Откако НСДП вчера извести Централниот одбор на партијата го утврдил Горан Мисовски како единствен кандидат за претседател на оваа партија, на конгресот закажан за 4 јуни, реагираше организацискиот секретар на НСДП, Кристијан Трајковски чија кандидатура за наследник на Тито Петковски не беше прифатена.
-Не се откажувам од мојата прогресивна визија дека нашата НСДП ќе биде обединета и гласна партија, каде слободата и слободната мисла ќе победат. Само така притисоците, заканите и носењето одлуки од една многу мала, но многу привилегирана група луѓе ќе бидат сеќавање од минатото. Луѓе кои се однесуваат како функциите да се нивно родено право, а не голема обврска и одговорност делегирана од целото членство пред кое тие се должни да поднесат отчет, вели Трајковски за „360 степени“.
Трајковски смета дека одлуката на Централниот одбор на партијата да прифати само еден кандидат за претседател е недемократска и донесена под закана и притисоци.