Обраќањето на претседателот Стево Пендаровски беше предвидливо, невпечатливо и без изненадувања, оцени пратеникот и потпретседател на ВМРО-ДПМНЕ Владо Мисајловски по годишното обраќање на шефот на државата во Собранието.

-Тој не успеа суштински да се отргне од сенката на Заев и од политичкото блато во кое ја донесоа државата. Пендаровски не е никаква кочница на власта која е закопана во криминал, корупција и безидејност – рече Мисајловски.

Според него, несогалсувањата меѓу Заев и Пендаровски се театар.

-Пендаровски не направи ниту еден потег со кој ќе одигра за интересите на Македонија, тој игра само на страната на Заев. Пендаровски не направи ниту еден чекор со кој ќе покаже дека е претседател на сите граѓани. Пендаровски е спореден актер во театарот на заевизмот. Пендаровски можеше, но но не покажа дека демонстрира одговорност и владеење на правото. Неговата лажна заложба заврши во моментот кога тој одлучи да молчи за афери како „Рекет“, „Издавање на пасоши на белосветски мафијаши“, за сомнителноти иззземање на одговорноста за тетовската болница, несреќата во Бугарија… На државата и треба претседател, а не статист во театар и коментатор. Тој не понуди визија ниту решение – рече Мисајловски.