Официјално денеска кошаркарскиот клуб Куманово 2009 и актуелниот тренер на оваа екипа и шеф на стручниот штаб Владимир Мирковски ја продолжија соработката на уште една година.

Мирковски во КК Куманово 2009 се врати на полусезоната и го врати клубот на победничките патеки со што управата му ја додели довербата да ја води екипата и наредната натпреварувачка сезона.

Годинава Мирковски со тимот се избори за опстанок во Првата кошаркарска лига и покрај финансиските проблеми со кои се соочи клубот сезонава.

Во својата богата кариера Мирковски освен на тренерската позиција во Куманово, беше предводник и на ФМП и МЗТ Скопје.

За Куманово до крајот на сезоната остануваат уште три натпревари во Суперлигата против ФМП Академија, Работнички и МЗТ Скопје Уни Банка.