Од Министерството за информатичко општество и администрација потврдуваат дека предлог законот за висока раководна служба е повлечен од собраниска процедура. Предлогот откако беше усвоен на владина седница уште минатата година во декември стигна пред пратениците, односно во Комисијата за политички систем, но не дочека да биде разгледуван на пленарна седница.

– Да, предлог законот за висока раководна служба е повлечен од собраниска процедура, а тоа е направено поради потребата од доуредување на одредени одредби од законот, кои ќе бидат усогласени со измените и дополнувањата на одредбите од Законот за вработените во јавниот сектор и Законот за административните службеници, велат од Министерството за информатичко општество и администрација.

Со предлог законот се предвидуваше директорите на јавните инстиуции да ги бира специјално формирана Комисија за селекција на високата раководна служба, чии членови ќе го минат процесот на составување налик оној на актуелниот состав на Антикорупциската комисија.

Властите назначуваат директори по старите правила, намерно ли се пролонгира новиот Закон за раководна служба?