Овој летен преоден рок дефинитивно ќе остане како еден од најинтересните во последната деценија, особено поради трансферите на Лионел Меси во ПСЖ, и Кристијано Роналдо во Манчестер јунајтед.

Секако во центарот на вниманието се уште две големи фудбалски имиња кои треба да бидат следните големи ѕвезди, а тоа веќе го докажуваат на терените, Килијан Мбапе и Ерлинг Халанд.

Французинот Мбапе веќе долг период се поврзува со трансфер во Реал Мадрид, ПСЖ очигледно нема намера така лесно да се ослободи од својот играч кој се наоѓа во составот за денешниот дуел од „Лига 1“ против Ремс.

Исто така и Норвежанецот Халанд е фантастичен фудбалер кој блеска во дресот на Борусија Дортмунд и со своите игри исто така го привлекува вниманието на врвните европски клубови.

Во изминатиот период се шпекулираше дека можно е Халанд да се пресели во Париз и го облече дресот на париските „светци“.

ВИДЕО: Халанд во луд финиш и донесе триумф на Борусија Дортмунд

Директорот на Дортмунд, Михаел Зорц веднаш луто реагираше кон наводите дека Халанд за 200 милиони евра ќе го облече дресот на ПСЖ.

– Ние сме фудбалски клуб, а не банка. Нашиот став е јасен и не се променил – вели Зорц.