ФОТО: Денеска сите го чекаат дебито на Меси за ПСЖ
Денеска во рамките од четвртото коло во најсилното француско првенство составот на ПСЖ од 20.45 часот му гостува на Ремс.
Париските „светци“ имаат три максимални победи и се очекува да продолжи успешната серија и на вечерашниот дуел во кој се очекува да дебитира и најголемата ѕвезда, Лионел Меси.
Од парискиот клуб и официјално објавија дека Аргентинецот е во составот на играчи на кои ќе располага тренерот Маурисио Покетино.
А покрај Меси, во составот се и ред други познати имиња како Нејмар, Ди Марија, Хакими, Верати, Ерера, Дракслер, Вајналдум, Донарума, а во истиот е и Мбапе кој овој период се поврзува со трансфер во Реал Мадрид.
Покетино не може да смета и натаму на новото летно засилување Рамос кој ќе паузира одреден период поради повреда, а на листата повредени се и Бернат, Икарди, Курзава, Сарабија..
📋 A group of 22 players are in the squad for the trip to Reims 👀#SDRPSG pic.twitter.com/8PONgR8rH2
— Paris Saint-Germain (@PSG_English) August 29, 2021