Македонскиот одбојкарски тренер Јошко Миленкоски запиша уште еден голем триумф со ПАОК во рамките од плеј-офот во грчкиот шампионат.

Денеска со 3:0 во сетови 25:23, 25:18 и 25:21 славеа играчите на нашиот стратег и со 3:0 во полуфиналната фаза го елиминираа Панатинаикос.

Во третиот сет Панатинаикос имаше водство од 17:15, но составот на Миленкоски направи пресврт кога беше најпотребно (22:20) по што таквата предност не се пропушти и до крајот само рутински се дојде до победата.

Во финалната серија противник на ПАОК ќе биде Олимпијакос кој запиша уште една победа над АОНС Милон од 3:0 (25:20, 25:18, 29:27).

Миленкоски претходно со ПАОК успеа да го освои трофејот во Купот на Грција.