Српската актерка Милена Радуловиќ во новото интервју проговори за учителот по глума Мирослав Мика Алексиќ, кого го обвини за силување и за неговата сопруга Билјана Машиќ Алексиќ.

Како што е веќе познато, тој ѝ поставуваше прашања на последното рочиште во Вишиот суд во Белград.

„Законот му дозволува да поставува прашања. Знаев дека постои таква можност. Четири девојки сведочеа пред мене и тој не го искористи тоа право, но имав чувство дека би сакал да го искористи тоа во мојот случај и тоа го направи. Искрено се надевам дека сега конечно ќе имам право да бидам девојка и актерка, дека нема повеќе да зборувам за тоа. Би сакала да зборувам за некои безопасни теми“, изјави таа за време на гостувањето на телевизијата К1.

Таа додаде дека Алексиќ на минатото рочиште гласно викал. Сепак, таа повеќе не се плаши од него и продолжува храбро да сведочи.

„Пред првото рочиште не бев добро. Добро го издржав тоа прво рочиште. Денеска од ништо не се плашам. Од вчера кога толку агресивно ми поставуваше прашања и цело време викаше, што цела судница го гледаше и слушаше, кога ми се обрати после толку години со тој тон што го паметам од моето детство – тоа беше токму тој тон за кој зборувам цело време и зборував на суд. Тонот што кога бевме мали влеваше стравопочит, страв, врховен авторитет, тон од кој ние како деца се плашевме и стварно се надевавме дека ќе помине што побргу, сега со тој тон ме испрашуваше и не се плашев. Се почувствував како да сум на час, кога бев мала, но сега не ме потресе и не ме повреди“, изјавила таа.

Актерката се согласила со Алексиќ кога рекол дека неговата сопруга Билјана е „најдобриот професор на Академијата за драмски уметности во Белград“.

“Се согласив, но истакнав дека таа е негова соучесничка, на што адвокатот скокна и ме праша како може да биде соучесник. Јас тоа го објаснив. Прашањето дали неговата сопруга знаела е неважно. Таа денес како врвно интелигентна жена, има пристап до тоа обвинение, ние сме во јавното обвинение. Таа знае дека тие 16 пријави се деца, жени, кои таа ги одгледала. Не сме ние некои жени кои скокнале на нејзиниот сопруг, ние сме девојчиња кои таму растеа, кои они ги воспитуваа, кои ги гледаа кога имаа седум, па девет, па дванаесет, па осумнаесет години. Таа одлучи, не ја судам, да застане и да каже дека сме лажеле, а добро знае дека не сме. Шеснаесет пријави од децата што ги воспитавте“, изјавила Радуловиќ.

Таа додаде дека Билјана четири години ѝ била многу важна во животот со оглед на тоа што била нејзин ученик.

„Таа ме сакаше и јас ја сакав, тоа не е спорно. Таа е многу паметна жена, свесна за сѐ. На крајот таа беше и негова студентка. Таа поминла низ истото низ кое поминавме ние, го признава тоа или не, па таа многу добро знае дека сето ова е вистина. Во таа смисла реков дека е соучесник. Таа е соучесник во лагата што тој и понатаму се обидува да ја шири. Тој сака да ја одржи реалноста што нам ни ја пласираше во тоа училиште, што е реалност на апсолутна моќ, манипулација и агресија. Тоа го докажува начинот на кој ми поставуваше прашања и она што го виде целата судница“, изјавила Радуловиќ.

Адвокатот на Мика Алексиќ до Милена Радуловиќ: Намерно доаѓавте без хулахопки за полесно да ве силува?

„Ме тепаше пред сите“: Милена Радуловиќ детално опиша како ја малтретирал Мика Алексиќ