Премиерот Христијан Мицкоски вели дека интензивно работи со професори и со министерот за економија на темата за потрошувачката кошничка, која во јули е поскапа за 630 денари.

Вели дека е завршен процесот на утврдување на репрезентативноста на синдикатите и дека во најсокоро време очекува да биде закажан Економско-социјалниот совет, на кој синдикатите и работодавачите заедно со Владата ќе разговараат за нов начин на пресметување на минималната потрошувачка кошничка.

Според Мицкоски потрошувачката кошничка треба да биде поделена во пет сегменти.

„Потрошувачка кошничка за самец, за млад брачен пар, за трочлено семејство, за четиричлено семејство и потрошувачка кошничка за пензионери. Мислам дека треба да опфатиме во иднина анализа на пет потрошувачки кошнички, затоа што потребите на луѓето се според возраста се разбира но исто така и потребите на луѓето се и според бројноста“ рече Мицкоски.

Ова е негов предлог, за кој ја консултирал академската фела и кој, како што најави, ќе го предложи на Економско-социјалниот совет.

Во меѓувреме излезе синдикалната кошничка за јули и таа е поскапа за 630 денари за разлика од јуни.

Растат цените, расте и синдикалната кошничка – во јули чинела 65.328 денари