Мицевски вели дека пратеничката група на ВМРО-ДПМНЕ нема да гласа за уставни измени под „бугарски диктат”
Координаторот на пратеничката група на ВМРО-ДПМНЕ, Никола Мицевски во изјава за „Канал 5” вели дека после лидерската средба и Ковачевски и Мицкоски констатирале дека нема договор, за потоа, како што вели тој, да се јават од СДСМ и ДУИ со „неточни и селективни изјави” по однос на целата работа.
„СДСМ и ДУИ лажно ја пренесоа изјавата на лидерот на ВМРО-ДПМНЕ Христијан Мицкоски, прашувајќи доколку Мицкоски прифатил уставни измени тогаш зошто точката не ја стават на дневен ред па да виде јавноста како ќе поминат истите” вели тој.
Мицевски уште еднаш го потврди ставот на ВМРО-ДПМНЕ и пратеничката група дека никој нема да прифати уставни измени под бугарски диктат.
Пратеничката група на ВМРО-ДПМНЕ и ВМРО-ДПМНЕ нема да гласа за уставни измени по бугарски диктат, дециден е тој.
