Томас Тухел, германскиот менаџер на лондонските „сини“ доби позитивен тест на коронавирус, тоа денеска го објави клубот.

Оваа информација доаѓа на само неколку часа пред натпреварот од ФА Купот во кој Челси ќе ги одмерат силите со Плимут.

Тухел се чувствува добро, нема никакви симптоми и моментно е во самоизолација која ќе трае неколку дена.

Веднаш по мечот со Плимут, екипата од „Стемфорд Бриџ“ патува за Абу Даби каде ќе учествува на Светското клупско првенство.

Тухел ќе остане во Лондон, а во зависност од ситуацијата би можел да отпатува на Емирати на евентуалното финале кое е закажано за 12 февруари.

Tuchel tests positive for Covid-19. ⤵️

— Chelsea FC (@ChelseaFC) February 5, 2022