Замислете име кое штом ќе го кажете, звучи топло, милозвучно и благородно. Име кое зрачи со елеганција, но и сила. Не случајно името Софија е прогласено за најубаво име на светот.

Според истражувањето на научниците од Универзитетот во Бирмингем, учесниците ги оценувале имињата врз основа на звучноста и пријатноста.

Д-р Бодо Винтерде, когнитивен лингвист и истражувач на Универзитетот во Бирмингем, спроведе анкета со неколку учесници. Слушале изговор на 100 имиња, нивните реакции биле анализирани, а Софија се истакнувало како најхармонично и најубаво за уво, пишува „Нетмамс“.

Но, тоа не е само убаво – носи длабоко значење и силен карактер.

Софија – мудрост низ вековите

Името Софија доаѓа од старогрчкиот јазик и значи „мудрост“. Уште за време на Римската империја се сметало за име достојно за благородни и мудри жени, а низ вековите се проширило низ Европа и светот.

Денес тоа е едно од најчесто избраните имиња за девојки, а популарноста не опаѓа.

Љубезност, харизма и амбиција

Луѓето по име Софија зрачат со топлина и позитивна енергија. Тие се љубезни, шармантни и секогаш подготвени да им помогнат на другите. Освен нивната емотивна и грижлива природа, тие се одлучни и амбициозни. Не сакаат неодлучност и одолговлекување – кога сакаат нешто, подготвени се да дадат сѐ од себе за да ги постигнат своите цели.

Во пријателството тие се лојални и заштитнички настроени, а во деловниот свет се карактеризираат со упорност и страсна посветеност.

Без разлика дали го изговарате на македонски, англиски, шпански или кој било друг јазик, името Софија секогаш звучи прекрасно. Можеби затоа ја заслужи титулата најубаво име на светот.