Македонскиот олимписки комитет (МОК) ја споделува декларацијата на Меѓународниот олимписки комитет (ИОК) кој ја потврдува својата силна позиција против политацијата на спортот.

Оваа позиција на ИОК е фундаментален принцип на Олимписката повелба, кој вели:

– Признавајќи дека спортот се случува во рамките на општеството, спортските организации во рамките на Олимпиското движење ќе применуваат политичка неутралност. Тие ги имаат правата и обврските на автономија, кои вклучуваат слободно воспоставување и контрола на правилата за спорт, одредување на структурата и управувањето на нивните организации, уживајќи го правото на избори ослободени од какво било надворешно влијание и одговорноста за обезбедување на примена на принципите на добро владеење.

Олимписката повелба исто така вели:

– Мисијата на ИОК е да го промовира олимпизмот низ целиот свет и да го води Олимпиското движење. Улогата на ИОК е да се спротивстави на каква било политичка или комерцијална злоупотреба на спортот и спортистите.

Олимпиското движење остро ја осудува секоја иницијатива за целосно политизирање на спортот, особено воспоставувањето на целосно политизирани спортски настани од страна на руската влада. ИОК силно ги повикува сите чинители на Олимпиското движење и сите влади да отфрлат какви било учество и поддршка на секоја иницијатива која има намера целосно да го политизира меѓународниот спорт.