Меган Маркл уште еднаш успеа да ја подели јавноста и да предизвика лавина негативни коментари. Нејзината изјава за новата емисија за готвење не остана незабележана, а многумина веруваат дека овој пат ја преминала границата со тоа што не се однесувала коректно кон својата блиска пријателка.

Во втората епизода, емитувана на Нетфликс, таа ја покани својата блиска пријателка, актерката Минди Калинг да ѝ биде гостинка. Она што требаше да биде опуштен разговор се претвори во непријатна сцена која предизвика мноштво реакции.

Додека зборуваа за своето детство и омилената храна, Минди на водителката и се обратила со „Меган Маркл“. Сепак, војвотката не ја пропушти можноста веднаш да ја поправи.

New Post: Meghan Markle Responds to Mindy Kaling’s ‘Markle’ Nod in New Netflix Show https://t.co/VsgqL0c9NQ

— The Rooster Journal (@RoosterJournal) March 5, 2025

„Толку е смешно што постојано ми велите Меган Маркл. Знаете дека сега сум Сасекс“, истакна Меган, видно инсистирајќи да ја користи титулата како нејзино презиме.

Минди беше очигледно изненадена од оваа реакција, но се обиде да одговори.

„Па, сега знам и го сакам тоа“,  одговори таа.

Зошто ова предизвикува негативна реакција?

Многу кралски фанови веднаш реагираа на оваа сцена, истакнувајќи дека Меган всушност официјално го нема презимето „Сасекс“.

Според правилата на британската монархија, членовите на кралското семејство немаат презимиња туку користат титули, додека нејзиното вистинско презиме технички е Маунтбатен-Виндзор.

„Нејзиното презиме не е Меган Сасекс. Нејзиното презиме е Маунтбатен-Виндзор. Сасекс е територија во Англија, а не презиме“, гласи еден коментар на социјалните мрежи.

Други забележаа дека начинот на кој таа ја коригирала својата пријателка бил несоодветен:

„Кој така критикува гостин во сопствената емисија? Арогантна и недолична, дури и кон своите пријатели! напиша еден корисник.

Иако на многумина не им се допадна нејзината реакција, Меган не се откажува од својот став дека „Сасекс“ го гледа како презиме.

Пред почетокот на шоуто, таа објасни зошто ѝ било важно да го користи овој наслов како дел од нејзиниот семеен идентитет.

„Кога имаш деца, сфаќаш колку значи да се има заедничко презиме. Сакам што го имаме „Сасекс“ како семејно име. Тоа не поврзува, Арчи, Лили, Хари и мене“, рекла Меган.

Сепак, многумина сè уште веруваат дека нејзиното инсистирање титулата да се користи како презиме не се вклопува во традицијата на кралското семејство. Покрај тоа, често се поставува прашањето – ако Меган и Хари решиле да се повлечат од кралските должности, зошто сè уште ги користат титулите?

Дали ова ќе влијае на нејзината популарност?

Меган Маркл и принцот Хари со години предизвикуваат поделени реакции во јавноста. Нивната одлука да ја напуштат Обединетото Кралство и да започнат нов живот во Калифорнија им донесе поддршка но и критики. Сега, со нови проекти како шоу на Нетфликс и деловни потфати, војвотката се обидува да изгради сопствен бренд.

Сепак, ваквите инциденти покажуваат дека јавноста внимателно го следи секој нејзин потег и дека многумина не се подготвени да ѝ простат за одлуките кои се сметаат за дрски или несоодветни.