Данил Медведев без многу проблеми беше поуспешен против Енди Мареј во финалето на турнирот во Доха и славеше победа со 2:0 во сетови (6-4, 6-4).

Победата Медведев ја најави откако го отвори мечот со брејк, а многу брзо дојде и до уште еден за предност од 4-1. Мареј не се откажа и возврати со ри-брејк, имаше можност Британецот и за израмнување, но не ја искористи брејк топката. Во продолжение Русинот не дозволи изненадување и го приведе сетот кон крајот.

Слично како и во првиот, Медведев повторно отвори со брејк, а Мареј се врати во шестиот гем. Сепак, Медведев со нов брејк во деветтиот гем дојде до победата.

Титутлата во Доха за Медведев е 17-та во неговата кариера.