Американската тенисерка Медисон Киз ќе игра во финалето на Австралија опен откако ја совлада Ига Швјонтек од Полска (5:7, 6:1, 7:6).

Киз спаси меч топка во третиот сет, а потоа во супер тајбрејкот беше поконцентрирана и дојде до победата со неколку одлични сервиси и поени.

Полската тенисерка изгледаше доминантно на патот до полуфиналето, губејќи само 14 гема во четири меча.

Но, денеска Швјонтек поради некои сопствени грешки, но и поради одличната игра на нејзината противничка, на крајот беше поразена.

Во финалето, Киз ќе игра против Арина Сабаленка, двократната бранителка на титулата, која претходно ја победи Паула Бадоса.