Маж од Шангај останал без речиси 28.000 долари откако измамниците го убедиле дека е во врска со жена создадена од вештачка интелигенција (ВИ).

Користејќи напреден софтвер со вештачка интелигенција, измамниците создале убедливи видеа и фотографии од млада жена, прикажувајќи ја како измислена личност по име „Госпоѓа Џиао“, јавува кинеската новинска агенција CNA.

Убеден дека е во емотивна врска, мажот префрлил 28.000 долари на измамници на сметка за која мислел дека припаѓа на неговата онлајн партнерка. Го убедиле дека парите ѝ се потребни за да започне бизнис и да ѝ помогне на роднина која имала здравствени проблеми.

За измамата да изгледа поубедлива, измамниците создале лажни документи, вклучително и лична карта и медицински извештаи, објавија локалните медиуми.

На фотографиите што ги користеле, „Госпоѓа Џиао“ се појави во различни средини – од шетање низ градските улици до позирање со палета на сликање.

Полицијата покренала истрага, но сѐ уште не се знае дали сторителите се фатени и дали парите се вратени.

Со оглед на порастот на измамите со вештачка интелигенција, „Мета“ неодамна ги предупреди корисниците за опасностите од онлајн познаниците кои бараат финансиска помош, апелирајќи ги да бидат дополнително внимателни во такви ситуации.