Сензационалниот пораз од Финска е сериозен удар за кошаркарската репрезентација на Србија, која така го заврши настапот уште во осминадиналето, иако пред почетокот на турнирот важеа за најголеми фаворити.  Резултатот (86:92) не само што беше шокантен за српската јавност, туку отвори повеќе прашања отколку што понуди одговори, особено со оглед на високите очекувања од „орлите“.

Во Србија сега следува период на неизвесност, иднината на селекторот Светислав Пешиќ виси во воздух, а не е помалку под знак прашалник ниту репрезентативниот статус на најголемата ѕвезда, Никола Јокиќ.

Според пишувањата на шпанската „Марка“, натпреварот против Финска можеби бил последен за Пешиќ на чело на националниот тим, а постои и сомнеж дека Јокиќ ќе продолжи да настапува за репрезентацијата.

„Финска приреди вистинско изненадување елиминирајќи еден од главните фаворити. Србија сега влегува во фаза на преиспитување, останува да се види дали Пешиќ ќе замине и дали ѕвезди како Јокиќ ќе бидат подготвени да продолжат со настапите“, пишува „Марка“.

ФИБА: Победата на Финска над Србија е изненадување на векот