Маријана и Росана слават роденден: „Да можев да бирам, пак тебе би те избрала за сестра“
Една од највпечатливите појави на македонската музичка сцена од осумдесеттите години, симпатичните близначки Маријана Новачевска и Росана Сариќ – Тодоровска денеска го прославуваат нивниот 59. роденден.
Сестрите ја започнаа нивната кариера во далечната 1982 година, со песната „Ти си моја вечна тема“ на музичкиот фестивал во Опатија, Хрватска. Оттогаш, тие испеаја голем број забавни мелодии, меѓу кои и евергринот „Признавам“ од 1988 година.
На почетокот од деведесеттите години, Маријана и нејзиниот сопруг Тоде Новачевски решаваат да се преселат во Австралија, а Росана продолжува со својата соло кариера, како изведувачка на народна музика.
Иако живеат на различни континенти, нивната сестринска љубов е нераскинлива. Роденденски, Маријана ѝ посвети емотивна порака на Росана на својот фејсбук-профил.
„Мојата сестра, моето сè, мојата Росанче, мојата душа, мое сонце, мое небо, мојата ѕвезда… Да можев да бирам пак тебе би те избрала за сестра. Среќен ти роденден, здрава, жива и секогаш насмеана да си ми“, напиша таа.
Исто така, таа објави и видео на кое пее песна за нејзината сестра.
„Мила моја, не се договоривме да ме расплакуваш“, ѝ напиша Росана во коментар, на што Маријана ѝ одговори: „Ах да можам да те гушнам баш на овој ден“.
Маријана и Росана трогателно се простија од Тоде Новачевски: Рековме збогум…