Манолева: На државните клиники има современи услови и апарати за лекување на пациенти како Леонид

Фондот за здравствено осигурување работи врз основа на правилници за одобрување на лекување во странство, изјави денеска дополнителната министерка за здравство Маја Манолева, одговарајќи на прашањето зошто Фондот не одобрил пари за рехабилитација на Леонид Индов во странство. Таа додаде дека на државните клиники има современи услови и апарати за лекување на вакви пациенти.

– Бидејќи сум специјалист по физикална медицина и рехабилитација, знам дека во тие правилници не постои основ за одобрување на лекување во странство за рехабилитација. Тоа е едната работа, а втората работа која што исто така сакам да ја напоменам, а која што никој не ја споменува, е дека Универзитетската клиника за физикална медицина и рехабилитација од која што јас дојдов на позиција заменик Министер во последниве 4 месеци работи со најнова и најсовремена апаратура за роботска рехабилитација којашто им овозможува на тешките неподвижни пациенти да го вратат процесот на одење, изјави Манолева.

Пред медиумите таа кажа дека нејзините информации говорат дека за Леонид не е ниту побарано мислење за лекување во странство.

– Секако, за еден пациент да биде вклучен во процес на роботска реахабилитација треба да исполнува одредени критериуми коишто ги проценува стручиот колегиум на клиниката. Она што го знам неофицијално е дека од клиниката не е побарано стручно мислење за конзилијарно лекување во странство, додаде Манолева.

Леонид Индов ќе се опоравува во странство, а за трошокот ќе се погрижи неговото семејство и со помош на хумани луѓе, откако ФЗОМ одби да го плати третманот со објаснување дека во неговиот случај не станува збор за лекување во странство на болест за која нема третман во земјава, туку станува збор за рехабилитација како продолжено болничко лекување.

Според Законот за здравственото осигурување, осигуреното лице може да користи болничко лекување во странство со одобрение на Фондот само ако е во прашање заболување кое не може да се лекува во државата, а во земјата во која осигуреникот се упатува постои можност за успешно лекување на тоа заболување.

Таткото на Леонид за „Слободен печат“: Одговорните од ФЗОМ одбија да покријат 140 илјади евра за лекувањето на син ми, зашто можел да се лекува во Македонија, а не кажуваат каде!

Леонид Индов минатото лето доживеа тешка несреќа на летување во Грција при што го повреди третиот, четвртиот и петтиот пршлен, па дише на респиратор и не може да ги движи екстремитетите.

Тој со хеликоптер беше транспортиран на лекување во Виена, но Фондот одлучи да го одбие барањето за негово лекување во странство.

Таткото на Леонид за „Слободен печат“: Одговорните од ФЗОМ одбија да покријат 140 илјади евра за лекувањето на син ми, зашто можел да се лекува во Македонија, а не кажуваат каде!

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот