Како што пренесува „Би-Би-Си Спорт“, досегашниот играч на Манчестер сити Ријад Марез ќе ја продолжи кариерата во Саудиска Арабија.

„Граѓаните“ ја прифатија понудата од 30 милиони фунти и Алжирецот од следната сезона ќе ги брани боите на Ал-Ахли.

Овој 32-годишен фудбалер во текот на минатата сезона запиша 15 голови во 47 настапи.

Се очекува в четврток Марез да ги има лекарските прегледи, по што и официјално ќе потпише договор на три години со опција да биде продолжена соработката.

Лани успеа со „граѓаните“ да освои тројна круна доаѓајќи до трофеите во Лигата на шампионите, Премиер лигата и ФА купот.