Веспрем чекори кон нова шампионска титула, денеска во рамките од 11 коло во најсилното унгарско првенство дома го совлада Дабас со 38:20.

Најефикасен во победничките редови беше Нилсон со седум погодоци, а во освојувањето на бодовите придонесе и македонскиот репрезентативец Дејан Манасков со пет голови, колку што имаше и Штрлек.

На табелата Веспрем е на првото место со 35 бодови, 13 повеќе од Пик Сегед, со напомена дека второпласираниот има пет меча помалку од лидерот.

Токму овие две екипи за четири дена во дербито на шампионатот ќе ги одмерат силите.

Да додадеме уште дека во францускиот шампионатот Нант беше подобар од Кретеј со 27:25, а нашиот Кирил Лазаров имаше еден гол во победата.