Актуелниот македонски првак Еурофарм Пелистер в среда (14 февруари) во рамките од 11 коло во ракометната Лига на шампионите во салата „Боро Чурлевски“ во Битола од 18.45 часот ќе го пречека францускиот гигант ПСЖ на нашиот поранешен селектор Раул Гонзалез.

Од клубот информираа дека продажбата на поединечните билети за утрешниот меч е започната. Поединечните билети по цена од 450 денари (странични места на трибините) и 550 денари (централни места на трибините) ќе се продаваат во DIMPO Тобако и преку интернет продажба – https://kartieurofarm.mk/

Сопствениците на сезонските билети имаат обезбедено место на трибините.

Своите очекувања за новиот предизвик на Еурофарм Пелистер во ЛШ ги сподели новото засилување Дејан Манасков кој го пропушти дербито против Вардар 1961.

– Помина доста време откако не сум на ракометните терени. Едвај чекам да започне натпреварот во среда, мотивиран сум, чест ми е што можам повторно да настапувам во Лигата на шампионите после една година пауза. Мислам дека сме доволно подготвени и имаме еден убав моментум после победата против Вардар и се надевам на еден добар меч против ПСЖ.

ПСЖ е една од најдобрите екипи во Европа. Има изграден систем кој веќе неколку години е истиот, знаеме каков стил на ракомет негуваат, Раул беше тука и во репрезентацијата, и во Вардар. Им ја препуштаме фаворитската улога, но нема лесно да ја продадеме својата кожа. Ќе го дадеме максимумот пред нашата публика, имаме шанса да изненадиме, тие се малку уморни после Европското првенство, така што свежината ќе биде на наша страна – вели Манасков.

 

View this post on Instagram

 

A post shared by RK Eurofarm Pelister (@rkeurofarmpelister)