Во новата епизода на „Мамавизија“ ви ја носиме тажната приказна за мајката Рада Јаневска, мајка на Светлана Јаневска. Хероината Рада ја загубила битката со ракот, оваа загуба била силен удар за нејзината ќерка која живее во Австралија. Таа раскажува за нејзината голема болка кога прекуокеански ја дознала лошата вест и како со милји оддалечена „присуствувала“ онлајн на погребот на нејзината мајка.

– Благодарение на моите блиски во Скопје бев присутна цело време во сите тие мигови на простување и испраќање до нејзиното вечно почивалиште. Само тој што доживеал нешто вакво знае за што зборувам. Не посакувам никому во животот да треба да го доживее, без разлика за која блиска личност станува збор – вели Јаневска за „Мамавизија“.

Прераниот лет на гулабицата-мајка на оној свет, нејзината ќерка, поранешна новинарка во Македонија, ги преточила во книга насловена „Летот на мојата гулабица“. Со оваа книга таа водно сака да ја актуелизра темата за ракот на грлото на матката и истовремено да поттикне на редовни контроли.

Погледнете ја премиерно осмата епизода на емисијата „Мамавизија“ вечерва со почеток во 20 часот на јутјуб-каналот на „Слободен печат“.

Водител и автор е Александра Вуксановиќ.