Една од најубавите жени во Македонија, Викторија Јаначковиќ, стоматолог, а за јавноста позната и како поранешна манекенка, е гостинка во новата епизода на „Мамавизија“ на „Слободен печат“.

Јаначковиќ пред две години направи храбар потег, одбра да се реализира како мајка по пат на донор од странство. На ова благословено „патување“, таа ја доби ќерката Никита.

-Има банка за сперма каде што можете да одберете донор од различни земји од светот. Јас одбрав Данец, затоа што тие се генетски најздравата нација во светот. Одлучив да одам по овој пат во странство затоа што во Македонија не можеш физички да го видиш како изгледа донорот. Човекот што ми помогна да добијам дете го одбрав затоа што имаше оставено писмо коешто ме освои и ми се допадна неговата семејна приказна – вели Јаначковиќ.

За тоа како ѝ изгледа животот како самохрана мајка, дали ѝ недостасува маж во одредени прилики, како и за тоа како околината реагирала за нејзината одлука да ја расте ќерката сама, гледајте вечерва во 20 часот во „Мамавизија“ на јутјуб- каналот на „Слободен печат“.

Водител и автор на емисијата е Александра Вуксановиќ.