Граѓаните кои вечерва излегоа на протестот „Србија против насилство“ направија обрач околу зградата на српската национална телевизија РТС. Јавниот сервис протестите ги стави како трета најважна вест и емитуваше директен пренос од протестот.

„Во Белград нов протест „Србија против насилството“, барањата непроменети“, беше третата најважна вест во вечерашниот дневник на РТС, додека на страницата на Радио-телевизија на Србија има и блог на кој протестите се следат од минута во минута.

При вклучувањето на репортерот на РТС во Дневник, граѓаните скандираа „Крадци“ и „Вучиќ оди си“.

Едно од барањата на граѓаните кои вечерва протестираат во Белград е смената на раководството на јавниот сервис.

Списокот на барања за протести вклучува смена на раководството на РЕМ, прекин на реалните шоуа кои промовираат насилство, агресија и неморално однесување на националната телевизија.

Исто така, се бара забрана на печатените медиуми чија содржина промовира насилство и агресија, објавување лажни вести и го крши новинарскиот кодекс, како и конфискација на националната фреквенција на телевизиите Пинк и Хепи.

Денеска се одржува четвртиот протест „Србија против насилството“. Граѓаните прво се собраа кај Собранието, по што почнаа да се движат и да прават круг околу РТС. И покрај лошото време и дождот, на денешниот протест се собраа голем број граѓани.

Prvi snimci N1 iz drona sa četvrtog protesta “Srbija protiv nasilja” u Beogradu pic.twitter.com/C3yTqQgvK1

— TV N1 Beograd (@n1srbija) May 27, 2023

Ideja za novinare RTS-a: prekinete program, stavite natpis Srbija protiv nasilja, siđete međ građane i kažite glasno Bujoševiću tornjaj se slugo režima! pic.twitter.com/aohT4xHisX

— Naim Leo BEŠIRI (@NaimLeoBesiri) May 27, 2023