Во генералниот пласман од Формула 1 шампионат се води само борба за преостанатите места бидејќи Макс Ферстапен од „Ред Бул“ веќе ја обезбеди третата последователна титула светски шампион (441 бод).

Ферстапен победи на спринтерската трка во Остин како дел од Големата награда на САД. Холанѓанецот заврши како првопласиран пред Британецот Луис Хамилтон („Мерцедес“) и Шарл Леклер („Ферари“). Ова е трета сприн победа на Ферстапен оваа сезона.

На второто место во генералниот пласман кај возачите е неговиот тимски колега, Мексиканецот Серхио Перез кој собра 228 бодови, а трет е Хамилтон со 201.

Главната трка ќе се одржи денеска од 21:00 часот по македонско време. Леклер со најбрзо време во квалификациите ќе ја има пол позицијата.

Ферстапен кој ќе стартува од третиот ред од шестата стартна позиција, ќе ја брка својата 15 победа сезонава, со што би го израмнил неговиот рекорд од минатата година. До сега во кариерата оствари 49 победи.