Францускиот претседател Емануел Макрон навести дека пејачката Селин Дион ќе се појави на отворањето на Олимписките игри во Париз во петок.

Канаѓанката, една од најпознатите пејачки кои зборуваат француски, боледува од ретка автоимуна болест и не настапува со години.

За неа би било „одлична вест“ да настапи на церемонијата на реката Сена во срцето на француската престолнина, изјави Макрон за „ТВ Франс 2“, „бидејќи таа е одличен уметник“.

Гласините велат дека пејачката веќе престојува во олимпискиот град.

„Наводно пристигнала во Париз“, интригантно рече Макрон, без да даде повеќе детали.

Дион, чиј најголем хит е „My Heart Will Go On“, објави во декември 2022 година дека ѝ е дијагностициран синдром на вкочанета личност.

Во едно неодамнешно ТВ интервју, таа сподели дека состојбата може да предизвика грчеви во мускулите каде било во телото предизвикувајќи ѝ замрзнување на рацете или нозете. Има проблеми со одењето и пеењето.