На Европското првенство за кадети и јуниори во Истанбул, Турција, македонската кикбокс репрезентација оствари одлични резултати освојувајќи три медали.

Силвио Мировски во категоријата -71 кг. лоу кик постари јуниори се закити со сребрениот медал. Во финалето нашиот натпреварувач со 0:3 загуби од Христос Ефстахиадис од Грција.

Претходно Мировски забележа две победи над Ерменецот Гагик Харитјунјан (3:0) и Србинот Урош Крстиќ (3:0).

Марија Димовска исто така е „сребрена“ во категоријата +60 кг. лоу кик млади јуниори.

Во финалето нашата натпреварувачки претрпе пораз од Србинката Соња Вуксиќ (0:3). Претходно Димовски триумфираше против Еданур Аџар од Турција (3:0).

Туркер Исмаил во категоријата -57 кг. лоу кик млади јуниори дојде до бронзениот медал. Исмаил оствари победа против Арапогијанис Панталејмон од Грција (3:0), а во полуфиналната борба загуби од Никита Тертишњи од Украина (0:3).