Македонската јуниорска репрезентација во џудо ќе ја претставува нашата земја на Балканското првенство за јуниори, кое ќе се одржува од 9 до 10 август во Едрене, Турција.

Во составот на нашата репрезентација се: Анамарија Стојмиловска, Ѓеорѓина Блажевска, Лилјана Недановска, Сергеј Димитриоски,Игнат Петров, Никола Магдевски, Михаил Стојановски и Владимир Милчиноски.

Репрезентацијата е предводена од тренерот Игор Паскоски.

Ова е важен настан за младите таленти, кои ќе имаат можност да се натпреваруваат со најдобрите од Балканот и да стекнат драгоцено меѓународно искуство.

Дополнително, дел од нашиот тим ќе биде и судијата Сашо Димовски, кој ќе ја има честа да суди во Едрене.